طريقة عمل السجق الإسكندرانى في البيت
المكونات :-
* ½ كيلو جرام سجق من اى نوع ( سجق شرقي , سجق بلدي , سجق اسكندراني حسب الرغبة )* 1 بصلة مقطعة مربعات
* 1 قرن فلفل رومي حسب الرغبة ( منزوعة البزور مقطعة شرائح )
* 1 طماطماية ( منزوعة البزور مقطعة شرائح )
* 5 فصول ثوم مفرومة ناعم
* هريسة الشطة ( حسب الرغبة )
* 30 مل ( 2 معلقة كبيرة ) من الزيت النباتى
* ½ معلقة صغيرة من الفلفل الأسود
* ½ معلقة صغيرة من الكزبرة الجافة
* ½ معلقة صغيرة من الملح ( أو حسب الرغبة )
طريقة التحضير :-
1- فى طاسة نضيف زيت ونتركه حتى يسخن , ( لا نضيع زيت كثير فى الطاسة لكن السجق حيطلع دهون وسائل ) , ثم نضيف قطع السجق ( ولو انتى حتغمسى السجق يقطع لكن لو كان ساندويتشات سنتركه كده صحيح وهذا حسب الرغبة ) ونقلب السجق من حين لآخر حتى نتأكد أن السجق احمر من جميع جوانبه .2- بعد أن يأخذ السجق اللون الذهبي نضيف للطاسة الثوم المفروم الذي يعطى السجق طعم مميز , ثم نضيف هريسة الشطة ( أردت أن يكون الطعم حار وسبيسى حسب الرغبة ) ولو مافيش هريسة الشطة يمكن أن نضع قرن شطة حار بعد أن ننزع منه البزور ونقلب كل المكونات جيدا .
3- نضيف البصل والفلفل الرومي والطماطم مرة واجدة مع بعض دفعة واحدة ونقلب جيدا من حين لآخر حتى يذبل البصل والفلفل الرومي والطماطم , ثم نضيف الفلفل الأسود والكزبرة الجافة ونقلب جيدا ثم نضيف الملح على المكونات .
4- نضيف الصلصة إلى الخليط ( يمكن أن نضع رشة خفيفة من السكر ,¼ معلقة صغيرة , حتى تزيل حموضة الصلصة والطماطم ) ونتقلب المكونات جيدا ويترك على نار هادئة حتى يستوي السجق ( لا نضيف الماء إلى هذه الوصفة لان سوف يغير طعم السجق ولان الخضار سوف ينزل سوائل تساعد فى عمليه الطهي ) .
* * * * * * * * * * * * * * * * * * * * * * * * * * * * * * * * * * * * * * * * * * *
طريقة عمل المحمر ( السجق بالبصل والطماطم )
المقادير :-
* 1 بصلة كبيرة مقطعة حلاقات
* 2 فلفلة كبيرة مقطعة حلاقات
* 2 فص ثوم مفروم ناعم
* 1 حبة من الطماطم مقطعة مكعبات
* 1 معلقة صغيرة بهرات ( فلفل اسود + كسبرة ناشفة + بابريكه )
* رشة من الملح
طريقة التحضير :-
1- فى طاسة على النار نضع 2 معلقة من الزبدة ومعلقة من الزيت , نضع السجق ويقلب بحرص ويشوح حتى يتحمر من جميع جوانبه ويصبح لونه بني .
2- نخرج السجق من الطاسة بعد تمام الاحمرار ويقطع ( طول القطعة حسب الرغبة ) .
3- نعيد السجق للطاسة التي شوح فيها ونضيف البصلة والفلفلة وثوم المفروم والبهارات و رشة من الملح وتقلب من حين لآخر حتى تديل شرائح البصل , نضيف الطماطم ونقلب لمدة قليلة حتى لا تنضج الطماطم ( حوالي 15 ثانية فقط ) .
4- نخرج المكونات من الطاسة ونضعها فى طبق , تحشى سندوتشات فى عيش الفينو , وتقدم مع المخلات .